Era finalitat dera revista ei difóner era istòria, cultura, tradicions, folklòre,... dera Val d’Aran ath long des ans.
Eth format dera revista tostemp ei compausada de:
- ena prumèra part dera revista un explic dera Fondacion e , des dues seccions: Amics de Montgarri e Lengua Viua.
- era dusau part ei formada pes articles de persones coneishedores dera istòria deth nòste paĂs.
Passejar peth passat ena lectura d’articles compòrte eth plasèr deth rebrembe, dera recuperacion des hèts des que viueren en aguesta tèrra barrada ath long deth temps entre nautes serralades qu’an servit entà sauvaguardar e mantier era personalitat d’Aran, bastida de signes tan significatius coma ei era lengua e cultura sociau pròpria e diferenciada.
Ena sua gent, frut d’un patrimòni istoric acumulat ath pas des sègles, i viu de sòrta diferenta dera rèsta des païsi vesins un sens de comunautat, en tot éster aguest un des aspèctes que constitusissen era esséncia viua qu’eth pòble aranés tracte de deféner cada dia tamb mès in e tamb era mès prigonda conviccion.
