Premanida dera 28 au. Corsa Aran per sa Lengua eth dia 31 de junhsèga de 2022. Activitat que consistís en gésser corrent o caminant de tres punts d’Aran: Montgarri, Les e Pòrt de Vielha.
Tath torn des 11 ores comencen a caminar es participants en tot arturar-se en Unha es de Montgarri e es de Les paren en Es Bòrdes entà dinar, amiant es sòn morralet cada un. Era gessuda deth Pòrt de Vielha ei liura, cada grop ges ara ora que mès li conven.
Entàs 19:00 ores s’arribe en Vielha, en tot amiar es tres cap de corsa ua clau qu’entren ena Plaça d’Aran de Vielha, atau coma es panèus des terçons e es drapèus que tanben an recorrut eth Camin reiau tamb es participants.
Un còp ena plaça, eth collectiu Lengua Viua lieg un manifèst tostemps reivindicant era posa der aranés sustot sociaument e rebrembar-l’ac as institucion e entitats deth país eth sòn emplec. Se liurè eth prèmi Lengua Viua e acabe tamb eth concèrt deth Grop occitan Nadau.
Ena plaça s’arriben a amassar, com cada an, un milenat de persones vengudes de toti es pòbles d’Aran e de dehòra e que Lengua viua les aufrís còca e moscatelh.
Pendent es dies 28, 29 e 30 de junhèga, abans dera corsa, se ven enes cubèrts de Vielha era samarreta correspondenta d’enguan.
Enguan coma quauquarren excepcionau e pr’amor qu’era Lei 8/2022 aprovada eth passat 9 de junh non reconeish er aranés coma lengua veïculara enes centres educatius dera Val, premanim ua pancarta reivindicatiua e uns pegasolets tà repartir entre es assistents.
