Eth passat dijaus 27 de junh de 2019, auec lòc entàs 19:00 ores en Sant Joan d’Arties, era inauguracion dera exposicion “Er art dera harga” organizada pera “Fondacion Privada Musèu Etnologic dera Val d’Aran”. Tanben se presentèc era revista Tèrra Aranesa nº 16 e eth catalòg damb es fotografies dera exposicion.
Aguesta exposicion compde tamb mès d’un centenat de fotografies, totes eres recuelhudes enes diferenti pòbles d’Aran. Fotografies que mos mòstren eth trabalh ena harga: balcons, rèishes damb filigranes, pòrtes, picapòrts, clauadores, anères, cadies... mès tanben se pòden contemplar totes aqueres airines que se tenguien enes larèrs des cases, landrèrs, amòlhs, soflets, farrulhes, planches, tres pès, cremalhs, cremalhères, o entath trabalh de pagés coma horques, tenalhes, estialhes, shòla, estrius, arratèrs e utisi coma tà mercar es animaus tamb era mèrca dera casa o dera madeisha casa coma romanes.
Çò que se preten damb aguesta exposicion ei reflexar un des mestièrs plan antics, coma ei eth de farrèr, un trabalh artesanau que damb era evolucion des maquines, va desapareishent pòc a pòc.
Colleccion FMEVA
