Damb motiu dera celebracion des 400 ans dera redaccion des “Ordinaciones, pragmatica y edictos reales de Valle de Aran, 1616 por el Doctor Juan Francisco de Gracia de Tolba”, era Junta de Patrons dera Fondacion Privada Musèu Etnologic dera Val d’Aran, en tot cercar informacion sus es Ordinacions trapèrem ena Bibliotèca Virtuau deth Patrimòni Bibliografic un exemplar dera edicion de 1618 qu’auien ena Diputacion provinciau de Saragossa, es quaus mos dèren autorizacion entara sua repoduccion, reedicion e posteriora publicacion deth predit document.
Era presentacion dera publicacion des Ordinacions de 1616, auec lòc eth dia 4 de noveme, tàs 20:00 ores ena sedença deth Conselh Generau d’Aran, laguens des Jornades d’estudi des Ordinacions, que s’amièren a tèrme es dies 4-5-6 d’aguest madeish mes, es quau tanben commemorauen eth 400 aniversari dera redaccion d’aguest document.
A toti es membres dera Fondacion se les a balhat un exemplar numerotat d’aguesta reedicion. S’ha h’et ua tirada de 300 exemplars.
