En nòm dera Fondacion privada Musèu Etnologic dera Val d’Aran, voi arregraïr ar Ajuntament de Vielha era sollicitud d’expausar era exposicion “50 aniversari dera dubertura deth tunèl de Vielha, Alfons XIII”.
Aguesta exposicion la premanirem en an 1998 entà aumenatjar a totes es persones que hèren posible eth bastiment deth tunèl. Pendent ua semana s’expausèc aciu madeish e siguec visitada per un milenat de opersones. Demoram qu’enguan age eth madeish resson.
Era exposicion comence tamb eth retrat d’Alfons XIII que venguèc ara Val d’Ara eth 6 de junhsèga de 1927 entrant peth Pòrt dera Bonaigua en coche condusit per un vielhenc, eth sr. Antònio Sanbeat. En toti es pòbles dera Val d’Aran s’auien hèt arcs tamb arrames, e toti es aranesi gesseren entà aumenatjar ath sòn Rei, que se passegèc per tota era Val d’Aran.
En Ajuntament de Vielha eth deputat provinciau Sr. Tous e eth baile Sr. Vidal li demanerèn eth tunèl, tanben es escolans aranesi en tot aclamar ath Rei cridauen : “Queremos el túnel ¡!! Queremos el tunèl “ e eth monarca responec : “Lo tendréis “.
Aguesta òbra cambièc era Val d’Aran en tot daurir-la tà Catalonha e tàs autes zònes der estat espanhòu, e acabant atau eth sòn isolament d’ans en tot perméter era arribada deth torisme que devierie era principau hònt d’ingressi entàs aranesi
